Ulug' yoshda bo'lishiga qaramay, u kundalik ishlarni mustaqil ravishda bajaradi: sochlarini taraydi, pechkani isitadi, g'ozlarni boqadi va hatto osongina zinapoyaga chiqadi.

Ayol 1901 yilda, Tsing sulolasi davrida tug'ilgan. Hozir u Sichuan' provintsiyasining Nan'chung shahrida yashaydi. Uning tug'ilgan sanasi Xitoyning uy xo'jaliklarini ro'yxatga olish tizimida rasman qayd etilgan.

Xitoylik keksa momoning aytishicha, uzoq umr ko'rish qat'iy kundalik rejimga rioya qilishni talab qiladi: u kuniga uch marta bir vaqtning o'zida ovqatlanadi, keyin sayr qiladi va kechqurun soat sakkizlarda yotadi. Sevimli taomi qovoq bo'tqasi, qovun va makkajo'xori yormasi.

Tsyu Сhayshi yoshligida ham tug'ilib o'sgan qishlog'ida o'zining mukammal buxgalteriya mahorati va jismoniy chidamliligi, yer haydash, tosh yotqizish kabi mashaqqatli mehnatlari bilan mashhur bo'ldi. 40 yoshida beva qoldi va to'rt farzandni yolg'iz o'zi tarbiyalab, moliyaviy qiyinchiliklarni yengdi.

100 yoshga to'lganidan keyin ayolning ko'rish va eshitish qobiliyati yomonlashdi. Lekin aqliy ravshanlik va yumor tuyg'usini saqlab qoldi. Nabirasining aytishicha, hatto qiyin paytlarda ham buvisi ko'pam qayg'uravermaydi va keyin odatdagi optimizmga qaytadi. Hozir Tsyu Сhayshi nabirasi bilan uch qavatli uyda yashaydi.

Anvarjon Halimov
tayyorladi