Ta'kidlanishicha, so'nggi yillarda O'zbekistonda kambag'allik darajasi 35 foizdan 6,6 foizgacha qisqargan. Shuningdek, maktabgacha ta'lim qamrovi 27 foizdan 78 foizga, oliy ta'lim bilan qamrov esa 9 foizdan 42 foizga oshgan.

Prezident O'zbekiston 2030-yilga borib “daromadi o'rtadan yuqori” bo'lgan mamlakatlar qatoriga kirishni o'z oldiga maqsad qilib qo'yganini ta'kidladi.

“Biz Barqaror rivojlanish maqsadlariga erishish yo'lida olgan majburiyatlarimizga sodiqmiz. 2030-yilga borib “daromadi o'rtadan yuqori” bo'lgan mamlakatlar qatoriga kirishni niyat qilganmiz.

Shu maqsadda ochiq va pragmatik siyosatimizni izchil davom ettiramiz”, – dedi Mirziyoev.