Davlat rahbari o'z nutqida “Avvalo, sizlarning timsolingizda hamkasblarim – Turkiy davlatlar tashkilotiga a'zo davlatlar rahbarlariga o'zimning chuqur hurmat-ehtiromimni hamda O'zbekiston raisligini qo'llab-quvvatlaganlari uchun samimiy minnatdorchiligimni bildiraman”, deya ta'kidlaydi.

Tabrikda “Turkiy davlatlar tashkilotining jadal o'sib borayotgan salohiyati va obro'-e'tibori – bu bizning do'stligimiz va birdamligimiz kuch-qudratining hamda faqat birgalikda sezilarli va ulkan natijalarga erisha olishimizning yaqqol tasdig'idir”, deya e'tirof etiladi.

Shavkat Mirziyoev o'z nutqida, shuningdek, “Xalqaro maydonda o'zaro ishonch va bir-birini tushunish inqirozi keskin sezilmoqda. Global va mintaqaviy xavfsizlikka qarshi tahdidlar kuchaymoqda va yangi xavf-xatarlar vujudga kelmoqda”, deya qayd etdi.

Ta'kidlanishicha, yig'ilishda terrorizm, ekstremizm va yoshlarning radikallashuvi, kiberjinoyatchilik, narkotik vositalarning tarqalishi, transchegaraviy jinoiy guruhlar faoliyatiga qarshi kurashishda kuchlarni birlashtirish hamda favqulodda vaziyatlarda tezkor harakat qilish bilan bog'liq bo'lgan keng ko'lamdagi dolzarb vazifalar yuzasidan fikr almashiladi.