Moskvadagi paradda 19 ta davlat rahbari qatnashadi – OAV
Joriy yil 9-may kuni Moskvada bo'lib o'tadigan G'alabaning 80-yilligiga bag'ishlangan paradda 19 ta davlat rahbari faxriy mehmon sifatida qatnashishini tasdiqlagan.
Rus OAVlarining yozishicha, harbiy paradda Ukraina va Moldovadan tashqari MDH davlatlarining barcha rahbarlari (jumladan, O'zbekiston Prezidenti Shavkat Mirziyoev ham sanab o'tilgan), Braziliya va Burkina-Faso prezidentlari Lula da Silva va Ibrohim Traore, Venesuela yetakchisi Nikolas Maduro, Vetnam prezidenti To Lam, Kuba prezidenti Migel Dias-Kanel, Serbiya yetakchisi Aleksandr Vuchich, XXR raisi Si Tszinpin va Slovakiya bosh vaziri Robert Fitsolarning ishtiroki rejalashtirilgan.
RBK G'alabaning 80-yilligiga bag'ishlangan paradda BMT Bosh kotibi Antoniu Guterrish qatnashmasligini ma'lum qildi.
Maqolaga baho bering
0/50
0
0
0
0