Qudratilla Rafiqov: “Yangi O'zbekiston mehnat sohasini xalqaro standartlarga to'liq moslashtirishda boshqa mamlakatlarga namuna bo'lmoqda”
Kasaba uyushmalari Federatsiyasi raisi Qudratilla Rafiqov xalqaro konferentsiyada nutq so'zlab, so'nggi yillarda O'zbekistonning mehnat sohasida erishgan yutuqlari haqida gapirdi.
Uning ta'kidlashicha, Prezident Shavkat Mirziyoevning siyosiy irodasi va kasaba uyushmalari faoliyati tufayli, qisqa vaqt ichida bolalar mehnati hamda majburiy mehnatga butunlay barham berildi. Natijada mamlakatimiz mehnat sohasini xalqaro standartlarga to'liq moslashtirish yo'lida samarali islohotlar maskaniga aylandi.
Qudratilla Rafiqov yana shunday dedi:
“Bugun Yangi O'zbekiston mehnat sohasini xalqaro mehnat standartlariga to'liq moslashtirish bo'yicha samarali islohotlar maskani sifatida boshqa davlatlarga ham namuna bo'lmoqda. Biz erishgan yutuq va natijalar xalqaro hamjamiyat tomonidan e'tirof etilmoqda.”
Rais shuningdek, O'zbekistonning 2024 yilda Xalqaro mehnat tashkiloti Ma'muriy kengashi a'zoligiga saylangani – mamlakatimizning xalqaro maydondagi nufuzi va ishonchli hamkor sifatidagi obro'sidan dalolat ekanini alohida qayd etdi.
Maqolaga baho bering
0/50
0
0
0
0