O‘zbekiston xalqaro islomshunoslik akademiyasida “O‘zbekiston – Indoneziya tajriba almashinuv dasturi: O‘zbekistondagi mahalla va Indoneziyadagi kampung institutlarining ijtimoiy hamohangligi va barqarorligini mustahkamlash” mavzusida xalqaro ilmiy-amaliy seminar bo‘lib o‘tdi.

Seminar avvalida mehmonlar O‘zbekiston va Indoneziyaning milliy kuy-qo‘shiqlari bilan tantanali kutib olindi. Shuningdek, tadbir davomida har ikki xalqning boy madaniyati, urf-odatlari va milliy qadriyatlarini aks ettiruvchi taqdimot namoyish etildi.

Tadbirning asosiy qismida “O‘zbekiston va Indoneziyada ijtimoiy uyg‘unlik hamda barqarorlikni mustahkamlashda madaniyatlararo diniy savodxonlikning ahamiyati”, “Toshkent mahallalari va Indoneziya qishloqlarida bag‘rikenglik hamda ijtimoiy hamjihatlikni taʼminlash borasidagi tajribalar” kabi dolzarb mavzular muhokama qilindi.

Diyora RAVShANOVA
Ishonch.uz