Алиментдан қарздор ходим иш ҳақидан 70 фоизгача ушлаб қолиш мумкин
Савол: – Алиментда қарздорлик юзага келганда ушбу мажбуриятни бажариш учун ҳисобланган иш ҳақининг қанча фоизи миқдорида чегириб қолиниши мумкин?
Обид Юнусов, Самарқанд вилояти
Ушбу саволга Ўзбекистон касаба уюшмалари Федерацияси Самарқанд вилоят кенгаши юристьконсулти Толиббой Эшманова жавоб беради:
– Меҳнат кодексининг 270-моддасига асосан алимент тўлови, иш ҳақидан ушлаб қолинган маблағнинг умумий суммаси ходимга ҳақиқатда ҳисобланган иш ҳақининг эллик фоизидан ошиши мумкин эмас. Бироқ мазкур модданинг иккинчи қисмига кўра, алимент мажбуриятлари бўйича қарздорлик юзага келганида юқоридаги чеклов ушлаб қолишнинг белгиланган фоизига нисбатан татбиқ этилмайди. Бундай ҳолларда алимент мажбуриятлари бўйича қарздорликнинг ушлаб қолиш миқдори ходимга ҳақиқатда ҳисобланган иш ҳақининг етмиш фоизидан ошиши мумкин эмас.
Қонунчиликда алимент мажбуриятида қарздорлик мавжуд бўлган ходимнинг иш ҳақидан ушлаб қолишнинг сўнги миқдори 70 фоиз қилиб белгилаб қўйилган.
Mақолага баҳо беринг
0/50
0
0
0
0