Фарғона ва Наманганда иккита ҚЭС қурилишига старт берилди: улар Қирғизистонга электр етказиб беради
Шу билан бирга Ўзбекистон ва Қирғизистон етакчилари Чуй вилоятида “Кобальт”, “Оникс” ва “Трекер” русумли енгил автомобиллар ишлаб чиқариш заводини ишга туширдилар.
Ўзбекистон ва Қирғизистон раҳбарлари бошчилигидаги делегацияларнинг икки томонлама музокаралари якунлангач, икки давлат раҳбари йирик кооперация лойиҳаларини ишга тушириш маросимида иштирок этдилар.
Жумладан, Фарғона ва Наманган вилоятларида умумий қуввати 400 мегаватт бўлган иккита қуёш электр станцияси қурилишига старт берилди. Ушбу станцияларда ишлаб чиқариладиган электр энергияси Қирғизистонга етказиб берилиши кўзда тутилган.
Чуй вилоятида замонавий енгил автомобиллар ва тижорат техникалари ишлаб чиқариш заводи ишга туширилди. Хусусан, у ерда “Кобальт”, “Оникс” ва “Трекер” русумли енгил ҳамда юк автомобиллари йиғилади.
Шунингдек, Қора-Балта шаҳрида тикув-трикотаж маҳсулотлари ва мато ишлаб чиқариш йўлга қўйилди. Корхонага замонавий технологик ускуналар етказиб берилиб, ўрнатилди.
Ўзбекистон ва Қирғизистон Президентлари ушбу лойиҳалар мамлакатларимиз ўртасидаги ўзаро манфаатли ҳамкорликни кенгайтиришга хизмат қилишига ишонч билдирдилар.
Mақолага баҳо беринг
0/50
0
0
0
0