Машҳур вакцинадаги даҳшатли хавф
Эмлаш амалиёти касалликларга қарши курашда инсоният учун катта кўмакчи бўлгани рост. Аммо вақти-вақти билан уларда ҳам жиддий нуқсонлар кузатилади ва оғир асоратлар қолдиради. Худди шундай ҳолат дунёга машҳур Pfizer ва Moderna компанияларининг COVID-19га қарши вакциналарда ҳам кузатилгани хабар қилинди.
Канадада ўтказилган тадқиқотлар бу ҳолатни расман тасдиқлади – Pfizer фармкомпанияси маҳсулоти бўлган вакциналар чуқур текширувдан ўтказилганида уларда маймун полиомавирусини (SV40) фаоллаштирувчи унсур борлиги аниқланган. Аммо бу ҳақда ишлаб чиқарувчи томонидан маълумот берилмаган.
Бутунжаҳон соғлиқни сақлаш кенгаши вакили Кристоф Плот ҳолатни ўргана туриб, “Бундай вакцина иммунологик реакциялар учун хавфли бўлиб, у ДНКни зарарлайди. Шунингдек рак касалликларини чақириш эҳтимоли ҳам юқори” дея таъкидлаган.
Канада соғлиқни сақлаш департаментининг маълум қилишича, бу унсур меъёридан 17-70 мартагача юқори даражада бўлсада, ишлаб чиқарувчи бу ҳақда лом-мим демаган. Pfizer ва Moderna компаниялари маҳсулотларини ўрганган олимлар тўртта алоҳида партиялардаги вакциналардан намуналар олиб текширишган. Барчасида тахмин қилинган плазмидлар тасдиғини топган.
Аммо Канада соғлиқни сақлаш департаментининг таъкидлашича, бу вакциналарнинг фойдали жиҳатлари юқоридаги хатарга эътибор қилмасликка арзийди. Аниқроқ қилиб айтганда Канада бу фармгигантларни қўлловчи Вашингтон билан можарога боришни ўзига эп кўрмаган. Фақат вакциналар чуқурроқ назоратдан ўтказилиши ва эҳтимолий хатарлар минималлаштирилиши сўралган холос.
Яна бир жиҳат – мазкур турдаги вакциналарнинг аксариятида клиник тадқиқотлардагилар ва оммавий қўлланиладиганлар ўртасида тафовут борлиги аниқланган. Яъни оммага қўлланиладиганларининг сифати паст бўлган.
| Энг даҳшатли тахминни британиялик олимлар билдиришган: уларнинг маълумотларига кўра 2023 йилнинг ўтган даври давомида лимфа тугунлари ракидан ўлим кўрсаткичи одатдагидан 4 баробарга ошиб кетган. |
Юқоридаги маълумотларни таҳлил қилган Бутунжаҳон соғлиқни сақлаш кенгаши ва АҚШ шифокорлар ассосциацияси барча муаммолар бартараф этилгунга қадар COVID-19га қарши вакциналардан фойдаланишни тўхтатиб туришга чақирмоқда.
Манба: “Мир новостей” нашри, 44-сон
Mақолага баҳо беринг
0/50
0
0
0
0