Жорий йилнинг 26 июлидан Париж шаҳрида бўлиб ўтадиган ХХXIII ёзги Олимпия ва ХVII Паралимпия ўйинларида ғолиб ва совриндор бўлган Ўзбекистон спортчилари қуйидаги миқдорда бир марталик пул мукофоти билан рағбатлантирилади:

• олтин медал учун — 200 000 АҚШ доллари;
• кумуш медал учун — 100 000 АҚШ доллари;
• бронза медал учун — 50 000 АҚШ доллари.

Эслатиб ўтамиз, Токио 2020 — Олимпиадасида иштирок этган Ўзбекистон терма жамоаси бешта медал — учта олтин ва иккита бронза билан тугатиб, баҳсларда 32-ўринни эгаллаганди. Олимпия ўйинлари ғолибларига 200 минг доллардан, бронза медали соҳибларининг ҳар бири 50 минг доллардан берилганди.

Ўзбекистон Президентининг қарори билан 2024 йил Парижда бўлиб ўтадиган ХХXIII ёзги Олимпия ва ХVII Паралимпия ўйинларига тайёргарлик бўйича мақсадли кўрсаткичлар тасдиқланган.

Унга кўра ўзбекистонлик спортчилар 26 спорт тури бўйича 103 та лицензия олиши кўзда тутилган.

Париж – юз йил муқаддам, яъни 1924 йилда илк маротаба ёзги Олимпия ўйинлари мезбонига айланган. 2024 йилда бу қадим шаҳар ёзги Олимпия ўйинларини учинчи маротаба қабул қилаётган Лондондан кейинги иккинчи шаҳарга айланади.