Биткоин нима?

Биткоин (инглиз тилида "бит" ва "коин" сўзларидан) "рақамли тангалар" деган маънони англатади. Бу ном қуйидагича тушунтирилади:

• Бит: Компьютерлар маълумотни қайта ишлашда ишлатадиган энг кичик ўлчов бирлиги (1 ёки 0). Бу рақамли технологиялар билан боғлиқ.
• Коин: "Танга" ёки "пул" маъносини англатади.

Шундай қилиб, биткоин "рақамли танга" ёки "криптовалюта" бўлиб, интернет орқали тўловлар ва савдо операцияларини амалга ошириш учун яратилган. Оддий тил билан айтганда, биткоин рақамли валютадир. Унинг ишлаши оддий валюталарнинг ишлаши билан бир хил қонунларга бўйсунади, фақат тармоқ ичида содир бўлади. Ва валюта курси талабнинг нисбати ва сотувдаги валютанинг сони билан белгиланади.

Биткоинни ким яратган?

Биткоин биринчи марта 2008 йилда "Сатоши Накамото" тахаллуси остидаги аноним дастурчи томонидан биткоин тушунчаси ва унинг блокчейн деб номланувчи асосий технологияси тавсифланган ҳужжат чиқарилганда оммага таништирилган. Бу турли гуруҳлар, жумладан, дастурий таъминот ишлаб чиқарувчилари, венчур капиталистлари, тадбиркорлар ва ҳукуматларнинг қизиқишини уйғотди. Накамото биткоиннинг марказлаштирилмаган рақамли валюта бўлишини кўзлаб яратган ва уни ягона назорат органи бўлмаган ҳолда айлантиришни мақсад қилган.

Биткоиннинг ўзига хослиги нимада?

Ушбу марказлаштирилмаган рақамли валюта одамларга тўловларни воситачини жалб қилмасдан тўғридан-тўғри бир-бирига қабул қилиш ва жўнатиш имконини берадиган дастурий таъминот тизимига асосланган. Биткоинлар билан амалга оширилган барча молиявий операциялар жамоат электрон китобида қайд этилади. Уларни ҳамма кўриши мумкин, аммо ҳужжатларда битимни амалга оширган одамларнинг исмлари ошкор этилмайди.

Биткоинларни сарфлаш мумкинми?

Биткоинларни сарфлаш ва улар билан молиявий операцияларни амалга ошириш мумкин. Баъзи компаниялар аллақачон биткоинларни қабул қилишни бошладилар. Улар орасида Dish, Newegg, Expedia ва Overstock каби таниқли брендлар бор.

Қандай қилиб биткоинлардан фойдаланиш мумкин?

Биткоинлардан турли йўллар билан фойдаланиш мумкин — сиз уларни инвестиция қилиш ёки тўловлар учун ишлатишингиз мумкин. Хусусан, уларни давлат чегаралари орқали пул ўтказиш учун ҳам идеал валюта сифатида қўллаш мумкин. Шунингдек, биткоинларни сотиш ҳам мумкин.

Биткоинлар қаерда сақланади?

Биткоинлар учун ҳам анъанавий пулдек, сизга ҳамён керак бўлади. Ушбу электрон ҳамён сизнинг электрон почта манзилингизга боғланган бўлади. Агар сиз биткоинда тўловни амалга оширишни истасангиз, қабул қилувчининг ҳамён манзилини билишингиз керак.

Биткоинларни қандай олиш мумкин?

Биткоинларни олиш учун иккита асосий усул қўлланилади. Бири — "майнинг" ёки электрон пул ишлаб чиқариш, лекин бунинг учун қиммат ускуналар керак бўлади. Ёки биткоинлар сотиб олиш мумкин.

Биткоиннинг келажаги борми?

Биткоиннинг келажаги умидвор кўринади. Дунё бўйлаб тобора кўпроқ мамлакатлар биткоин операцияларини қабул қилмоқда. Келажакда криптовалюта машҳурлиги ошишини кутиш мумкин, аммо бу билан бирга у хавфли ва ўзгарувчан актив эканлигини ҳам ёдда тутиш керак.

Биткоин нархининг ошиши сабаблари

Биткоин нархининг ошишига бир қанча омиллар сабаб бўлмоқда, жумладан, Қўшма Штатларда биткоинга асосланган ETF фондларининг пайдо бўлиши, биткоиннинг ҳалвинг жараёни ва молия бозорларидаги ўзгаришлар.

Хулоса

Сўнгги 14 ой ичида биткоин нархи 330 фоизга ошди. Бунинг ортида Америкадаги ETF фондларининг барқарор инвестициялари, ҳалвинг жараёни ва глобал молия бозорлари ўсиши каби омиллар турибди. Аммо криптовалюта бозори хавфли ва ўзгарувчан бўлиб қолмоқда. Шунинг учун биткоинга сармоя киритиш ҳақида қарор қабул қилишдан аввал ўз тадқиқотларингизга таяниш лозим.

Мадина Пўлат қизи,
Ishonch.uz