Сенатнинг навбатдаги ялпи мажлиси қачон чақирилиши айтилди
Маълум бўлишича, бу сафарги ялпи мажлисда сенаторлар Марказий банк раисининг ҳисоботини ҳамда Инсон ҳуқуқлари бўйича Миллий маркази директорининг ахборотини эшитадилар.
Бугун, 17 май куни Танзила Нарбаева раислигида Олий Мажлис Сенати Кенгашининг навбатдаги мажлиси бўлиб ўтди.
Унда Сенатнинг эллик иккинчи ялпи мажлисини 2024 йил 18 май куни чақириш тўғрисида қарор қабул қилинди.
Таъкидланганидек, видеоконференцалоқа тизимидан фойдаланган ҳолда ўтказиладиган ялпи мажлисда қатор масалаларни муҳокама қилиш назарда тутилган.
Жумладан, Маъмурий жавобгарлик тўғрисидаги, ЖИноят ва Солиқ кодексларига ҳамда айрим соҳалар фаолиятини такомиллаштирилиши муносабати бир қатор қонун ҳужжатларига қўшимчалар ва ўзгартириш киритишга доир қонунлар муҳокама қилинади.
Бундан ташқари, Ўзбекистон Республикасининг халқаро ҳужжатларга қўшилиши ҳамда уларни ратификация қилиш ҳақидаги қонунларни ҳам муҳокама қилиш режалаштирилмоқда.
Навбатдаги ялпи мажлисда Ўзбекистон Республикаси Марказий банкининг 2023 йилдаги фаолияти тўғрисидаги ҳисоботи, Инсон ҳуқуқлари бўйича Миллий маркази директорининг Ўзбекистонда инсон ҳуқуқлари бўйича халқаро мажбуриятларга риоя қилинишининг ҳолати тўғрисидаги ахбороти ҳамда Вазирлар Маҳкамасига яйловлар деградациясининг озиқ-овқат хавфсизлигига, қишлоқ хўжалиги маҳсулотларини ишлаб чиқаришга ҳамда атроф муҳитга салбий таъсири юзасидан юборилган парламент сўрови натижалари кўриб чиқилади.
Mақолага баҳо беринг
0/50
0
0
0
0