Шуҳрат Абдураҳмоновнинг барча ўринбосарлари қатъий огоҳлантирилди
Ўтган йилда Андижон вилояти ҳокимлиги томонидан тузилма аппарати ҳамда тегишли бошқарма ва ташкилот раҳбарлари иштирокида ижро интизоми масаласи 82 маротаба муҳокама қилинган.
Вилоят ҳокимининг биринчи ўринбосари Д.Тўлановнинг халқ депутатлари вилоят кенгашига қонунчилик ҳужжатлари ижросини ташкил этиш бўйича амалга оширилаётган ишлар юзасидан тақдим этган ҳисоботида қайд этилишича, 2025 йилда ижро интизоми идоралараро ягона электрон тизими орқали Андижон вилоятига жами 1 минг 663 та ҳужжат келиб тушган. Мазкур ҳужжатлар доирасида 14 минг 977 та топшириқ ижрога қаратилган. Топшириқларнинг 13 минг 243 таси бажарилган, 1 минг 734 тасининг ижроси давом этмоқда.
Кенгаш ҳоким ўринбосарининг ҳисоботини маълумот учун қабул қилиб, қонунчилик ҳужжатларида берилган топшириқлар ижроси ўз муддатида бажарилишида шахсий назоратни етарли даражада ташкил этмаганлиги ва бу борада камчиликларга йўл қўяётганлиги учун вилоят ҳокимининг барча ўринбосарларини қатъий огоҳлантирган.
Долзарб мавзулар
Mақолага баҳо беринг
0/50
0
0
0
0