100 metrga suzishda O'zbekiston rekordi yangilandi
Germaniyada o'tkazilgan XXXII Butunjahon yozgi Universiada o'yinlarida o'zbekistonlik talaba sportchilar faol ishtirok etishdi. Musobaqada 136 davlatdan 5 mingdan ortiq sportchi qatnashdi. O'zbekiston terma jamoasi 15 ta medalni qo'lga kiritib, umumjamoa hisobida 13-o'rinni qo'lga kiritdi. Markaziy Osiyo davlatlari orasida esa birinchi bo'ldi.
– Tayyorgarlikdagi mashaqqatlarning natijasi bu medallarda ko'rindi. Сhempionatdagi raqiblarim juda kuchli edi. Men Vatanim, ustozlarim va ota-onamning ishonchlarini his qilib turdim. O'ylaymanki, bu ishonch va mas'uliyatni oqladim, – deydi mazkur musobaqada sovrindor bo'lgan Eldor Usmonov.
Universiadada Kasaba uyushmalari Federatsiyasi yosh sportchisi Eldor Usmonov 50 metrga batterflyay usulida suzishda 23,33 soniya natija ko'rsatib kumush, 100 metrga suzishda esa 51,84 soniya bilan O'zbekiston rekordini yangilashga muvaffaq bo'ldi va bronza medalini qo'lga kiritgan.
– Musobaqaga ketayotganimizda hayajon va mas'uliyat bilan yo'lga chiqqandik. Shukrki, yurtimizga medallar bilan qaytdik. Bunday yutuqlar ortida muxtaram Prezidentimizning sportga va sportchilarga bo'lgan e'tibori va g'amxo'rligi, sportchilarimiz va murabbiylarning qattiq mehnati, qolaversa, mas'ul tashkilotlar, xususan suv sporti federatsiyasi rahbariyatining katta qo'llovi turibdi, – deydi murabbiy Saida Iskandarova.
Diyora Ravshanova,
Ishonch.uz
Maqolaga baho bering
0/50
0
0
0
0