Bitiruvchilar bandligi uchun 500 milliard pul yo‘naltiriladi
Rejaga ko‘ra, 2026 yilda 8 mingdan ortiq loyihani moliyalashtirish uchun 500 milliard so‘m yo‘naltirilib, qariyb 10 ming nafar yoshning bandligini taʼminlash ko‘zda tutilgan.
Prezident Shavkat Mirziyoev oliy taʼlim muassasalari bitiruvchilarining bandligini taʼminlashga bag‘ishlangan taqdimot bilan tanishdi.
Maʼlum qilinishicha, 2026 yilda mamlakat oliygohlarini 320 ming nafar talaba tamomlaydi.
Barcha oliy taʼlim muassasalarida karera markazlari faoliyatini to‘liq yo‘lga qo‘yish, ularning samaradorligini “Bitiruvchi sifati indeksi” orqali baholash hamda eng yaxshi natijaga erishgan 20 ta oliygoh karera markazini 500 million so‘mdan mablag‘ bilan rag‘batlantirish rejalashtirilgan.
Joriy yil davomida oliygohlar miqyosida 360 ta, fakultetlar kesimida esa 750 ta mehnat yarmarkasi o‘tkazilishi, shuningdek, mingdan ziyod ish beruvchilar bilan uchrashuvlar tashkil etilishi belgilangan. Bitiruvchilarning bandlik holati esa “career.edu.uz” platformasi orqali doimiy monitoring qilib boriladi.
Yana bir muhim yangilik — 2026/2027 o‘quv yilidan boshlab barcha oliy taʼlim muassasalarida “Tadbirkorlik asoslari” fani joriy etiladi. Bundan tashqari, talabalarni ish bilan kafolatli taʼminlashga xizmat qiluvchi maqsadli dual taʼlim tizimini yo‘lga qo‘yish tashabbusi ham ilgari surildi.
Maqolaga baho bering
0/50
0
0
0
0