Prezidentning 2023-yil 22-dekabrdagi “2024-yilda rasmiy sanalarni nishonlash davrida qo'shimcha ishlamaydigan kunlarni belgilash va dam olish kunlarini ko'chirish to'g'risida”gi Farmoni hamda 2024-yil 8-apreldagi “Muborak Ramazon hayitini nishonlash to'g'risida”gi qaroriga muvofiq, umumiy o'rta ta'lim maktablarida joriy yilning 10 – 12 aprel (chorshanba – juma) kunlari – dam olish kuni deb e'lon qilingan edi.

Shu munosabat bilan, Maktabgacha va maktab ta'limi vazirligi 2024 yil 13-aprel (shanba) kuni barcha umumiy o'rta ta'lim maktablarida rejadagi dars jadvali asosida o'qish boshlanishi haqida ogohlantirmoqda.

“Dam olish kunlariga to'g'ri kelgan o'quv mashg'ulotlarini o'quv yili yakuniga qadar mavzularni tig'izlashtirgan holda o'zlashtirish tavsiya etiladi”, – deyiladi vazirlik xabarida.