Yoshlar turizm sohasini rivojlantirish bo'yicha loyihalarini taqdim etdi
Shahrisabzdagi «Lochin» oromgohida «Yoshlar kelajak bunyodkorlari» III xalqaro qurultoyi doirasida yoshlarning ijtimoiy-iqtisodiy faolligini kuchaytirish, ularni turizm sohasiga keng jalb etish, turizm sohasidagi istiqbolli g'oyalari va loyihalarini amalga oshirish maqsadida «Eng yaxshi turizm loyihasi» tanlovi bo'lib o'tdi.
Unda 18 yoshdan 30 yoshgacha bo'lgan ishtirokchilar respublika miqyosida turizm sohasini rivojlantirish, yosh sayohatchilar sonini ko'paytirishga erishish, investitsiyalarni jalb qilish, turizm salohiyatini kengaytirish bo'yicha o'z taklif va loyihalarini namoyish etishdi.
Tanlov davomida turizm sohasidagi muammo va masalalarga innovatsion yondashuvga qaratilgan, respublikada turizm sohasida yangi xizmat joriy etilishiga mo'ljallagan, turizm bozorida mahsulot yoki xizmatga bo'lgan talabning mavjudligi, mahsulot yoki xizmatning bozor talabi hamda tijorat istiqbollari baholangan, iqtisodiy tomonlama samara keltiradigan loyihalar taqdim qilindi.
Loyihalar eko-turizm, ziyorat turizmi, ekstremal turizm imkoniyatlarini yanada kengaytirish, yangi turizm obektlarini barpo qilish, yurtimizning turizm salohiyati aks ettirilgan qo'llanmalar va boshqa mavzularni qamrab oldi.
G'oliblari qurultoy yakunida e'lon qilinadi va taqdirlanadi.
.243d158.png)
Maqolaga baho bering
0/50
0
0
0
0