Kun tartibidan Konstitutsiyaga muvofiq, ilk borquyi palatada Boshvazir lavozimiga nomzod va Hukumatning kelgusi 5 yilga mo'ljallangan harakatlar dasturini ko'rib chiqish masalalari o'rin olgan.

Davlat rahbari so'zining avvalida mamlakat o'z oldiga qo'ygan strategik va joriy vazifalarni amalga oshirishda barcha bo'g'indagi ijro organlari, avvalo, Hukumat va uning rahbari zimmasidagi mas'uliyat hozirgi murakkab zamonda harqachongidan ham ortib borayotganini ta'kidladi.

Bugun mutlaqo yangi vakolat va vazifalarga ega bo'lgan Hukumat shakllanayotgani qayd etildi.

“Buni Konstitutsiya darajasida birinchi marta kambag'allikni qisqartirish, oziq-ovqat xavfsizligi, investitsiya, ekologiya kabi muhim yo'nalishlarda Vazirlar Mahkamasining majburiyatlari belgilab qo'yilgani ham tasdiqlaydi.

Xalqimiz bugun anashunday hal qiluvchi masalalar bo'yicha yangi Hukumatdan aniq natijalarni kutmoqda”, – dedi Prezident.

Asosiy masalaga o'tishdan oldin Prezidentimiz o'tgan 5 yilda har tomonlama puxta o'ylab qabul qilingan dasturlar ijrosi qanday ta'minlangani haqida to'xtalib o'tdi.

Avvalo, O'zbekiston iqtisodiyoti 2 karra o'sib, 100 milliard dollarlik tarixiy marradan oshdi. Aholi jon boshiga daromad 3 ming dollarga yetishi kutilmoqda (2018-yilda – 1 ming 600 dollar bo'lgan).

Xususan, Jahon banki 2024-yilda O'zbekiston Yevropa va Markaziy Osiyoda iqtisodiyoti eng tez o'sayotgan 3 ta davlat qatoridan joy olganini e'tirof etdi.

Kambag'allik darajasi so'nggi 4 yilda 23 foizdan 11 foizga tushdi. Bu yil 9 foizga tushishi kutilmoqda.

Eksport qariyb 2 barobar o'sib, ilk bor 25 milliard dollardan, oltin-valyuta zaxiralarimiz esa 40 milliard dollardan oshdi. O'zlashtirilgan xorijiy investitsiyalar hajmi 6 karra ko'payib, buning hisobiga 1,5 millionta yuqori daromadli ish o'rinlari yaratildi. Yalpi ichki mahsulotda investitsiyalar ulushi 30 foiz darajasida ta'minlandi.