Хамстер Комбат ўйини ҳақида олдинроқ батафсил маълумот берган эдик. Ҳозирги пайтгача Хамстер Комбат ўйинига 300 миллиондан ортиқ одам қўшилган, 131 миллион киши 26-сентиябрда эфирга чиқиш ҳуқуқига эга бўлган ва 2,3 миллионга яқин киши фирибгар сифатида тақиқланган эди.

Токенлар қандай ҳисобланди?

ҲМСТР токенлари қуйидагича тақсимланди:

Ҳар бир миллион пассив даромад учун — 200 ҲМСТР;

Ҳар бир таклиф қилинган доʻст учун — 5 ҲМСТР;

Ҳар қандай усулда топилган ҳар бир калит учун — 5 ҲМСТР;

Вазифаларни бажариш учун — жуда кам миқдор;

Ютуқлар учун — олиш қийинлигига қараб турли миқдор.

26 сентябр куни Хаместр Комбат ўйини пулга чиқди

Барча кутган Хамстер Комбат ўйни 26 сентябрь куни Тошкент вақти билан 17:00 да токенларнинг листинги бўлиб ўтди. Олти ой давом этган бу ўйин миллиардлаб танга йиғган одамларнинг пули атига 15-20$ ( ўзбек сўмда 150-200 ) бўлиб чиқди. Айни пайта битта хаместр танганинг нархи 0,0068$ бўлиб турибди.

Хамстер Комбат токенларини Ўзбекистонда сотиш қонунийми?

Хамстер Комбат токенларини Ўзбекистонда қонуний, фақат крипто-активлар айланмаси соҳасидаги миллий хизмат кўрсатувчи провайдерлар орқали, агар улар крипто-биржа котировка рўйхатига ёки крипто-дўконнинг савдо саватига киритилган бўлса, харид қилиш ёки сотиш мумкин бўлади. Бу ҳақда Истиқболли лойиҳалар миллий агентлиги хабар берди. Ўзбекистон Республикаси ҳудудида крипто-активнинг тури ёки номидан қатъи назар, крипто-активлар айланмаси соҳасидаги қонун ҳужжатларини бузганлик учун қонунчилик даражасида маъмурий ва жиноий жавобгарлик чоралари белгиланади.

Хамстер ўйнаган юртдошларимизнинг фикрлари:

Эрталабгача ўйнаган пайтларим ҳам бўлган

— Бу ўйин бошланганидан бери ўйнаган эдим. Шунчалик берилиб ўйнаганимдан ҳаттоки, эрталабгача ўйнаган пайтларим ҳам бўлган. Унга кетган кўзимнингни нури, соғлиғим, энг аянчлиси, вақтимни беҳудага сарфлаганим учун ҳозир афсусдаман, — дейди Абдуманноб Назаров (исм-фамилияси ўзгартирилган )

Экранга тегиниш орқали пуллар келиши мантиқсиз эди.

— Рости катта нарса кутмаган эдим, чунки шунчаки экранга тегиниш орқали пуллар келиши мантиқсиз эди. Озгина ишдан чалғиш учун кириб ўйнаб чиқиб кетардим, холос. Доим ўйнаган танишларим шунча ўйнаб топганим 25$ бўлди дейишди. Бунақа нарсага вақт сарфлаш хато, яхшиси, кўчада ишлаб, тер токиб пул топган яхшироқ экан, —дейди Жонибек Ҳусанов.

Кўпроқ пул ишлаш мақсадида 6 профилдан ўйнаган эдим

— Ноткоиндан сўнг, ҳақиқатдан бу ўйиндан пул ишлаш мумкин деб, 6 та профилда бу ўйинни ўйнаган эдим. Аммо ҳеч қанча пул бермас экан, — дейди Назар Раҳматов.

Хулоса ўрнида, одамлар яна бир бор бунақа ўйинлардан фойда йўқлигига амин бўлишди. “Текин пишлоқ қопқонда бўлади”деган нақл исботни топди. Олтинга тенг вақтларини олиб қўйишганини англашди. Баъзилар бу ўйин орқасидан касаллик ҳам ортириб олди десак адашмаймиз. Бу ўйинни ўйнаётган ҳар бир инсон жисмоний меҳнат орқали, тер тўкиб пул топган афзаллигини тушуниб етишган деган умиддамиз!

Ҳар бир ишдан яхшилик излаган ҳолда бу ўйинни орқасидан инсонлар қимматли вақтларини беҳуда нарсаларга эмас фойдали ишларга сарфлаш кераклигини тушуниб етишди.

Мадина Пўлат қизи
Ishonch.uz