Jahon iqtisodiyot va Diplomatiya universitetida "Atrof-muhitni muhofaza qilish va yashil iqtisodiyot yili"ga bag'ishlangan “Tashkent International Debate Arena” turniri o'tkazildi. Turnirning asosiy maqsadi – yoshlarni ekologiya, barqaror rivojlanish va yashil iqtisodiyot masalalariga jalb qilish, yoshlar o'rtasida ekomadaniyatni shakllantirishdan iborat.

Tadbirda mamlakatning yetakchi oliy ta'lim muassasalaridan 100 nafarga yaqin talaba ishtirok etdi. Ular 48 ta jamoa tarkibida dolzarb global ekologik muammolarni muhokama qilib, yashil iqtisodiyotni rivojlantirishga qaratilgan yechim va fikr-mulohazalarini bildirishdi.

3 kun davom etgan debat yakunida tashabbuskorlar “Eko aktsiya”da ishtirok etib, mezbonlik qilgan Jahon iqtisodiyot va Diplomatiya universiteti hududiga ko'chatlar ekishdi. Turnir Amerika usulidagi debatlar formatida o'tkazildi, intellektual va bahs-munozaralarga boy bo'ldi.

Diyora Ravshanova
Ishonch.uz