Nam kiyim kiying

Kembrij universiteti fizigi Liza Jardin-Rayt “Eng aniq taklif – kiyimingizni namlang”, deydi.
Suv bug'lanishi, ya'ni uni suyuqlikdan gazga o'zgartirish uchun issiqlik energiyasi kerak, deya tushuntiradi u. Bu energiya tanangizdan kelib chiqadi, terini sovutadi, uning haroratini pasaytiradi. Qolaversa, havo oqimi bug'lanish jarayonini tezlashtiradi va bug'lar issiqlikni oladi

Qo'llaringizni sovuq suvga botiring

Qo'llaringizni sovuq suv bilan to'ldirilgan chelak yoki tog'oraga tiqing, deb maslahat beradi Portsmut universitetining odam fiziologiyasi professori Mayk Tipton. Odatda tana harorati ko'tarilganda, qon terining yuzasiga yo'naltiriladi. “Sizning kaftlaringiz katta sirtga ega, xuddi kaftingizdan beshta radiator chiqib turgandek,- deydi Tipton.- Tana ichidagi harorat normal holatga qaytishi bilan qo'llaringizdagi qon aylanishi sekinlashadi va siz salqinlik his qilasiz“.

Ventilyatorni derazaga qo'ying

Agar siz uni yopiq xonaning o'rtasiga qo'ysan havo aylanishini yaratadi, buning natijasida xonadagi ter tezroq bug'lanadi. Ammo ochiq deraza oldiga qo'yish ancha samarali. Сhunki u ko'chadan salqinroq havoni tortib oladi. Bu bilan xonaga tashqaridan kelayotgan salqin havoni yo'naltirasiz. Eshik yoki derazani ochmasangiz, unda siz shunchaki issiq havoni aylantirasiz.

Achchiq qalampir yeng

Siz achchiq qalampir bilan issiq taom tana haroratini pasaytirishning juda mantiqsiz usuli deb o'ylashingiz mumkin.
Ammo ma'lum bo'lishicha, achchiq ovqat soviydi. Qalampir tarkibida kapsaitsin mavjud bo'lib, u terlashni rag'batlantiradi. Terlash esa issiqliqdan xalos bo'lishga yordam beradi. Bug'lanish shaklida namlikni qanchalik ko'p yo'qotsangiz, o'zingizni shunchalik yaxshi his qilasiz.

Badaviylar kabi kiyining

Odatda yengil kiyimlar salqinlikni yaxshiroq saqlaydi.
Badaviy qabilalarini hayot tarzini o'rganish ularning kiyimlari rangi va tana harorati o'rtasida hech qanday bog'liqlik topmadi.
Oq kiyimlar ko'proq yorug'likni aks ettiradi, ammo qora kiyim eng yaxshi issiqlik radiatori.
Biroq, aniq afzalliklarga ega bo'lgan variant bor: keng kiyim. Keng kiyim kiyish bilan havo teringiz yaqinida aylansa, bu terning bug'lanishiga yordam beradi va siz o'zingizni yanada qulay his qilasiz.

Issiq dushda yuving

Sovuq dush tana haroratini pasaytirishning eng tezkor usuli bo'lib tuyuladi. Aslida, tanangiz haroratning keskin o'zgarishiga javob beradi va natijada issiqlikni saqlashga harakat qiladi.
Ya'ni, issiq bo'lganingizda sovuq dush qabul qilsangiz, sovuq teriga qon oqimini darhol to'sib qo'yadi va shu bilan issiqlikka chiqish o'rniga tanangizda issiqlik tuzog'ini yaratadi.
Bunda harorati 20 darajadan yuqori bo'lgan suvdan foydalanish yaxshiroqdir. Ya'ni issiq emas, balki biroz salqin, tana haroratini pasaytiradigan, ammo teriga qon oqimini to'sib qo'ymaslik uchun yetarlicha issiq dush qabul qilish kerak.

Derazalarni qanday ochish kerak?

Agar uyingizdagi derazalar gorizontal' ravishda ochiladigan bo'lsa, yuqori va pastini ochish orqali xonangizni juda samarali sovutishingiz mumkin.
Shunday qilib, yuqoriga ko'tarilgan iliq havo xonadan chiqariladi va salqin derazaning pastki qismi orqali xonaga kiradi. Xuddi shu tamoyil ikki qavatli uylarda ham qo'llanilishi mumkin. Muhimi, uyda havo aylanishini yaratishga muvaffaq bo'lsangiz: yuqori va pastdagi derazalarni ochsangiz, issiq havo ko'tariladi va salqin – birinchi qavat derazalari orqali kiradi.

Havo oqimini yuzingizga yo'naltiring

Agar siz ventilyatordan foydalansangiz havo oqimi to'g'ridan-to'g'ri yuzingizga yo'naltirilganligiga ishonch hosil qiling. Сhunki yuzda retseptorlar ko'p. Bu bilan, albatta, butun tanangizni sovutmaysiz, lekin yuzga qaratilgan salqin shabada sizga qulaylik hissini beradi.

Internet ma'lumotlari asosida Anvarjon HALIMOV tayyorladi