Қорақалпоғистонда янги ўргимчак тури аниқланди
Қорақалпоғистон ҳудудида фан учун янги бўлган ўргимчак тури Karakumosa ustyurtica аниқланди. Бу ҳақда Британиянинг Arachnology журналида чоп этилган илмий мақолада маълум қилинди.
Ҳодиса
728 15:22 | 26.03.2026 15:22
Тадқиқотчиларнинг фикрига кўра, ушбу тур бўри ўргимчаклар оиласига мансуб бўлиб, Марказий Осиё чўлларига хос эндемик тур ҳисобланади. У Устюрт платосида, қуруқ ва шўрхок ҳудудларда яшашга мослашган.
Karakumosa ustyurtica тўр қурмайди, балки фаол йиртқич сифатида қўнғизлар, чигирткасимонлар ва бошқа майда ҳашаротлар билан озиқланади. Мутахассислар таъкидлашича, у зараркунанда ҳашаротлар сонини чеклашда муҳим роль ўйнайди.
Олимлар бу кашфиётни чўл экотизимлари ҳали тўлиқ ўрганилмагани ва келгусида яна янги турлар аниқланиши мумкинлигининг яққол исботи сифатида баҳоламоқда.
Фотима АБДУРАИМОВА,
Ishonch.uz
Долзарб мавзулар
Mақолага баҳо беринг
0/50
0
0
0
0