Ҳюзнинг қўрқуви

Биласизми, фильмнинг бутун ғояси сценарий муаллифи Жон Ҳюзнинг таътилга болаларидан бирини унутиб қўйиш ҳақидаги ташвишларидан келиб чиққан. У нималарни унутмаслик кераклиги ҳақидаги рўйхатини тузаётганда, ҳазил тариқасида болаларни ҳам рўйхатга қўшди ва бу унинг ҳаётда бундай ҳолат рўй бериши мумкинлиги ҳақида ўйлашига сабаб бўлди.

“Кевин”ни топиш

Жон Ҳюз 1989 йилги “Uncle buck” комедия фильмида суратга олган Маколей Калкиннинг иши билан аллақачон таниш эди. У истеъдодли ёш актёрни “Уйда ёлғиз” фильмида Кевин Маккалистер ролини ўйнаш учун режиссор Кристофер Колумбусга тавсия қилди. Аммо Колумбус тўлиқ кастинг ўтказишни хоҳлади ва юзлаб болаларни шахсан ёки лента орқали кўрди. Охир-оқибат, у таслим бўлиб, Ҳюзнинг биринчи танловини танлади

Машҳур қичқириқ

Агар Маколей Калкин қўлларини юзига қўймаганида ва ўзининг ноёб белгиси бўлган қичқириғини чиқармаганида, “Уйда ёлғиз” фильми шу қадар муваффақиятга эришган бўлмасди. EW билан суҳбатда режиссор Крис Колумбус Калкинга шунчаки одеколонни суртиш ва қичқириш кераклигини айтди. Бунинг ўрнига у қўлларини юзига қўйиб, Эдвард Мункнинг жаҳонга машҳур “Қичқириқ” расмини намоён қилди. “Уйда ёлғиз” фильмининг плакати Маколей Калкиннинг олдинги қисмида қичқириб турганлиги билан машҳур. Фильм плакатининг илҳом манбаи Эдвард Мункнинг машҳур “Қичқириқ” расми бўлган.

Сурат ниҳоятда ажойиблигидан, у фильмнинг кулминацияси дея таърифланади.

Салбий қаҳрамонларга илҳом

Ҳарри ва Марв ролларини ижро этган Жоу Песчи ва Даниел Стерн 1982 йилда суратга олинган “Мен иложи борича тез рақсга тушяпман” драмасида аввал ҳам бирга ишлаган эдилар. Аммо уларнинг кулгили суҳбатлари ва уйғунлиги тасодиф эмас эди. 2015 йилда Фаcебоокдаги постда Стерн ўзи ва Песчи ўзларининг ёвуз қиёфаларига Вайл Э. Коёт, Бугс Банни каби мултфильм қаҳрамонлари, шунингдек, Лаурел ва Харди каби комедия афсоналаридан илҳом олганликларини айтиб ўтди.

Умрбоқий из

Марв ва Ҳарри ниҳоят Кевинни қўлга олиб, палто илмоғига кўйлаги билан осган саҳнасида, Ҳарри боланинг бармоғини тишлаб олиш билан таҳдид қилади. Аммо шу саҳнанинг машқларида Жоу Песчи ўз таҳдидини амалга оширди ва Калкиннинг бармоғини тишлаб олди, терисини йиртиб, унга доимий из қолдирди.

30 ёшли каскадёр

Бутун фильм Кевин Маккалистернинг жуда хавфли ишларни қилиши атрофида айланади, шунинг учун зинапоялар бўйлаб чанғида тушиш ва дарахт уйига зиплайн орқали сакраш каби саҳналар учун каскадёрни жалб қилиш яхши фикр бўлган.

Бу жасоратли ҳаракатларни 30 ёшда бўлишига қарамай, тўққиз ёшли боладек бўйи тенг бўлган Ларрй Николас исмли каскадёр бажарди.

Оилавий воқеа

Маколей “Уйда ёлғиз” фильмида пайдо бўлган ягона Калкин эмас, yнинг акаси Киерен Калкин ҳам фильмда сода ичишни яхши кўрадиган Фуллер ролини ўйнайди. Аммо унинг катта акаси асосан Голливуднинг жозибасидан қочган бўлса, ёш Калкин ўзи учун таъсирли актёрлик карерасини яратди, айниқса, “Ворислик” супер сериалида айёр роли унга анча-мунча танилиш имкониятини берган.

“UncleBuck” ва “Самолётлар, поездлар ва автомобиллар” фильмларининг юлдузи Жон Кеннеди дўсти Жон Ҳюзга “Уйда ёлғиз” фильмида Гус Полински, саёҳат қилувчи полка ижрочиси ролида камео ролини ўйнашда ёрдам беришдан мамнун эди. Бироқ, унинг банд иш жадвали туфайли у фақат битта кун суратга олиш майдончасида бўлиши мумкин эди, шу туфайли унинг барча саҳналари 23 соатдан ортиқ вақт ичида суратга олинди.

Жадал суръатда суратга олиш жараёни ҳаммани чарчатган, аммо улар бундан мамнун эдилар. Кеннеди ҳатто шкалага кўра ишлади, яъни фильмдаги пицца етказиб берувчини ўйнаган актёрдан камроқ пул олди. У шунингдек, репликаларининг кўп қисмини импровизация қилди.

Кевиннинг отаси, Петер Маккаллистер ролини ўйнаган Жон Ҳеард дастлаб фильмни ёқтирмасди. Унинг фикрича, фильм даҳшатли бўлган. Фильм муваффақиятга эришгач, Ҳеард режиссерлардан узр сўради.

Биринчи “Уйда ёлғиз” фильми Гиннеснинг рекордлар китобига кирган. Унинг очилиш ҳафталигида фильм 17 миллиондан ортиқ доллар даромад келтирди. Фильм деярли 12 ҳафта давомида кинотеатрларнинг энг юқори рейтингли фильмларидан бўлиб турди ва 90-йилларда жонли ҳаракатдаги энг кўп даромад келтирган комедия фильми деб тан олинган.

Машҳура ЖЎРАҚУЛОВА

Ishonch.uz