Nodira G'OIBNAZAROVA,
Kasaba uyushmalari Federatsiyasining bo'lim mudiri:

– O'zbekistonda o'tgan 2024 yilda 1000 ga yaqin odam baxtsiz hodisalar oqibatida jabrlangan, desam xato qilmagan bo'laman. Bu statistika yuritilishida turli sonlarni kuzatishimiz mumkin. Ayrimlari haqida to'xtaladigan bo'lsam, bu sohada maxsus vakolatga ega Kambag'allikni qisqartirish va bandlik vazirligining rasmiy ma'lumotlariga ko'ra, o'tgan yili ishlab chiqarish jarayonida 868 ta baxtsiz hodisa yuz berib, ularda 974 nafar xodim jarohatlangan. 261 nafari halok bo'lgan.

Endi kasaba uyushmalariga a'zo bo'lgan tashkilotlardagi holatga qaraydigan bo'lsak, bir yilda 177 ta baxtsiz hodisa kuzatilib, unda 198 nafar ishchi-xodim jarohatlangan. 67 nafar odam halok bo'lgan. So'nggi 5 yilda esa, 1000 ga yaqin baxtsiz hodisa sodir bo'lgan.

Ularning 112 tasi «engil», 594 tasi «og'ir», 299 tasi «o'lim bilan tugagan», 82 tasi «guruhiy baxtsiz hodisa» sifatida baholangan.

(P.S) Demak, shundan ham ko'rinib turibdiki, kasaba uyushmalariga a'zo bo'lmagan tashkilotlarda mehnat muhofazasi o'lda-jo'lda bo'ladi, tibbiy sug'urta haqida so'z ham bo'lishi mumkin emas. Oqibatda ishchi-xodimlarning xavfsizligi va salomatligi so'roq ostida qolib, baxtsiz hodisalar ham ko'p uchraydi. Xulosani o'zingiz chiqarib olavering…