Amaldagi Mehnat kodeksiga ko'ra, quyidagi xodimlarga yoshi va sog'lig'ining holati hisobga olingan holda, har yilgi asosiy uzaytirilgan ta'til beriladi:

• O'n sakkiz yoshgacha bo'lgan shaxslarga — o'ttiz kalendar kun;
• I va II guruh nogironligi bo'lgan xodimlarga — o'ttiz kalendar kun;
• Davlat hokimiyati va boshqaruvi organlari xodimlariga davomiyligi yigirma yetti kalendar kun.

Har yilgi asosiy uzaytirilgan ta'tillar berish va uning davomiyligi qonunchilik bilan kafolatlangan. Ta'til kunlarining davomiyligiga nisbatan ko'paytirish jamoa kelishuvlarida, shuningdek, jamoa shartnomasida, ichki hujjatlarda, mehnat shartnomasida nazarda tutilishi mumkin.

ishonch.uz