Kanadada o‘tkazilgan tadqiqotlar bu holatni rasman tasdiqladi – Pfizer farmkompaniyasi mahsuloti bo‘lgan vaksinalar chuqur tekshiruvdan o‘tkazilganida ularda maymun poliomavirusini (SV40) faollashtiruvchi unsur borligi aniqlangan. Ammo bu haqda ishlab chiqaruvchi tomonidan ma’lumot berilmagan.

Butunjahon sog‘liqni saqlash kengashi vakili Kristof Plot holatni o‘rgana turib, “Bunday vaksina immunologik reaksiyalar uchun xavfli bo‘lib, u DNKni zararlaydi. Shuningdek rak kasalliklarini chaqirish ehtimoli ham yuqori” deya ta’kidlagan.

Kanada sog‘liqni saqlash departamentining ma’lum qilishicha, bu unsur me’yoridan 17-70 martagacha yuqori darajada bo‘lsada, ishlab chiqaruvchi bu haqda lom-mim demagan. Pfizer va Moderna kompaniyalari mahsulotlarini o‘rgangan olimlar to‘rtta alohida partiyalardagi vaksinalardan namunalar olib tekshirishgan. Barchasida taxmin qilingan plazmidlar tasdig‘ini topgan.

Ammo Kanada sog‘liqni saqlash departamentining ta’kidlashicha, bu vaksinalarning foydali jihatlari yuqoridagi xatarga e’tibor qilmaslikka arziydi. Aniqroq qilib aytganda Kanada bu farmgigantlarni qo‘llovchi Vashington bilan mojaroga borishni o‘ziga ep ko‘rmagan. Faqat vaksinalar chuqurroq nazoratdan o‘tkazilishi va ehtimoliy xatarlar minimallashtirilishi so‘ralgan xolos.

Yana bir jihat – mazkur turdagi vaksinalarning aksariyatida klinik tadqiqotlardagilar va ommaviy qo‘llaniladiganlar o‘rtasida tafovut borligi aniqlangan. Ya’ni ommaga qo‘llaniladiganlarining sifati past bo‘lgan.

Yuqoridagi ma’lumotlarni tahlil qilgan Butunjahon sog‘liqni saqlash kengashi va AQSh shifokorlar assossiatsiyasi barcha muammolar bartaraf etilgunga qadar COVID-19ga qarshi vaksinalardan foydalanishni to‘xtatib turishga chaqirmoqda.

Manba: “Mir novostey” nashri, 44-son