2024-2025 o'quv yilidan faoliyatini boshlayotgan universitet kampusi zamonaviy jihozlar bilan ta'minlangan. Unda 21 ta bakalavriat, 5 ta magistratura va 17 ta ordinatura ta'lim yo'nalishlari mavjud.

– Ta'lim rivoji kelajak egalari bo'lgan yoshlarimizning ilm cho'qqilarini egallashi, malakali mutaxassis bo'lib yetishishlariga yaratilgan sharoitdir,– deydi ta'lim va fan xodimlari kasaba uyushmasi respublika kengashining Samarqand viloyati bo'yicha mas'ul tashkilotchisi Iftixor Raximov.

– Viloyatda 13 ta davlat oliy ta'lim muassasasilari bilan bir qatorda, xususiy oliy ta'lim dargohlarining rivojlanishiga keng imkonyat berilmoqda. "Zarmed" universitetining Samarqand kampusi ilm urfonining yanada kengayishiga hissa qo'shadigan ziyo maskani sifatida tanilishiga hech bir shubha yo'q.

Eng muhimi bu yerda talabalar uchun barcha zarur sharoitlar yaratilgan. Bu maskanda ilim olish istagida bo'lgan yoshlarga ta'limning mazmun va mohiyati ham chuqur o'rgatilishiga to'la asoslar bor.

Tizim kasaba uyushmalari hududdagi barcha oliygohlar o'qituvchiyu, talabalari huquq va manfaatlari himoyasini ta'minlab kelmoqda. Iqtidorli, o'z ustida izlanuvchan va kam ta'minlangan talabalar kasaba uyushmalari stipendiyalari bilan ta'mingan. Yoshlarning intelektual bilim va salohiyatini oshirish, dam olishi, jismonan chiniqishiga jamoat tashkiloti ko'mak ko'rsatmoqda. Yangi ta'lim muassasasi ham faoliyatining ilk lahzalaridonoq jamoat tashkiloti bilan hamkorlikka bel bog'lamoqda.