Taqdimotda suv resurslarini boshqarish va irrigatsiya sektorini rivojlantirishning 2025–2028 yillarga mo'ljallangan dasturi ishlab chiqilgani ma'lum qilindi.

Dastur doirasida, jumladan, 2 ming 551 kilometr irrigatsiya tarmoqlari rekonstruktsiya qilinishi belgilangan. Nasos stantsiyalaridagi eski uskunalarni tejamkoriga almashtirish orqali ularning yillik elektr energiyasi iste'molini 6,8 milliard kVt/soatdan 6,2 milliard kVt/soatgacha kamaytirish mo'ljallangan.

Shuningdek, beton qoplamali kanallar ulushini hozirgi 39 foizdan 47 foizga yetkazish va tejamkorlik hisobiga bu yil 10 mlrd kub metr, 2028 yilga borib 14 mlrd kub metr suvni iqtisod qilish rejalashtirilmoqda.

Davlat rahbari bu takliflarni ma'qullab, O'zbekistonda suv resurslarini boshqarish va irrigatsiya sektorini rivojlantirishning 2025-2028 yillarga mo'ljallangan dasturini tasdiqladi.