Taqdimnomada qayd etilishicha, Kasaba uyushmasi Respublika kengashiga pedagoglar bilan tuzilgan mehnat shartnomasini B2 darajadagi milliy yoki unga tenglashtirilgan mos darajadagi xalqaro sertifikatga yega bo'lmaganligi tufayli bekor qilinishidan norozilik bildirilgan muroj aatlar kelib tushmoqda.

O'zbekiston Respublikasi Vazirlar Mahkamasining “Xorijiy tillarni o'rganishni ommalashtirishni samarali tashkil etish chora-tadbirlari to'g'risida"gi 312-son qarorining 9-bandida: davlat ta'lim muassasalari xorijiy tillar o'qituvchilari uchun xorijiy tillarni o'zlashtirish darajasi bo'yicha 2025-2026 o'quv yiliga qadar umumiy o'rta, o'rta maxsus va professional ta'lim muassasalarida faoliyat yuritayotgan barcha xorijiy tillar o'qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo'lishi lozimligi belgilangan.

Ammo, Kasaba uyushmasining ta'kidlashicha, ushbu qarorda mehnat shartnomasini bekor qilish bo'yicha ko'rsatma berilmagan.

Shuningdek, maktabgacha va maktab ta'limi vazirligining 2025-yil 16-maydagi 159-sonli buyrug'iga asosan, umumiy oorta ta'lim maktabi, ayrim fanlar chuqur o'qitiladigan sinflari mavjud umumiy o'rta ta'lim maktablari (maktab-internati) o'qituvchisi lavozimining malaka tavsifida oliy, bakalavr diplomiga ega bo'lishi (magistratura, ilmiy darajaga egalik afzallik beradi) ko'rsatilgan. Shu bilan birga, fan o'qituvchisi - fan yo'nalishiga to'g'ri keluvchi kamida bakalavr darajasidagi oliy pedagogik ma'lumot yoki kamida bakalavr darajasidagi oliy ma'lumot va fan yo'nalishiga to'g'ri keluvchi dars berish huquqi bilan kasbiy qayta tayyorlov kursini tugatganligi yoxud fan yo'nalishiga (xususiyatiga) to'g'ri keluvchi kamida bakalavr darajasidagi oliy ma'lumot va pedagogik faoliyat yuritish huquqi bilan qayta tayyorlov kursini tugatganligi ushbu o'qituvchining mutaxassis dob tan olinishiga asos bo'lishi belgilangan. Bu yerda, hatto, mehnat staji talab qilinmayapti.

“2025-12026 o'quv yilidan boshlab xorijiy tillar yo'nalishlari bo'yicha mutaxassislar kamida B2 darajadagi yoki xalqaro tan olingan sertifikatlarga ega bo'lishi shartligi esa qo'shimcha talab sifatida kiritilgan, bu asosiy talab emas! Mehnat kodeksida aynan sertifikat yoki malaka tavsifiga qo'shimcha talab tufayli mehnat shartnomasini bekor qilish tartibi belgilanmagan. O'zbekiston Respublikasining “Ta'lim to'g'risida”gi Qonunining 11-moddasiga muvofiq, “oliy ta'lim bakalavriat ta'lim yo'nalishlari va magistratura mutaxassisliklari bo'yicha yuqori malakali kadrlar tayyorlanishini ta'minlaydi. Bakalavriat oliy ta'lim yo'nalishlaridan biri bo'yicha chuqurlashtirilgan bilim, malaka va ko'nikmalar beradigan, o'qish davomiyligi kamida uch yil bo'lgan tayanch oliy ta'limdir”, – deyiladi O'zbekiston ta'lim va fan xodimlari kasaba uyushmasi Respublika kengashi tadimnomasida.