Toshkentda xalqaro konferensiya bo'lib o'tmoqda
Joriy yilning 10–11 sentyabr kunlari Toshkent shahrida “Xalqaro mehnat standartlarini ilgari surishda kasaba uyushmalarining roli: xalqaro amaliyot va O'zbekiston tajribasi” mavzusida xalqaro konferensiya bo'lib o'tadi. Tadbir O'zbekiston kasaba uyushmalari Federatsiyasi tashabbusi bilan tashkil etilmoqda.
Konferensiyani Kasaba uyushmalari Federatsiyasi raisi Qudratilla Rafiqov ochib berdi. Unda Oliy Majlis Senati raisi Tanzila Norboeva, Kambag'allikni qisqartirish va bandlik vaziri Botir Zokirov, Birlashgan millatlar tashkilotining Inson huquqlari qo‘mitasi a’zosi, Inson huquqlari bo‘yicha O‘zbekiston Respublikasi Milliy markazi rahbari, xalqaro huquq sohasida taniqli olim, akademik Akmal Xolmatovich Saidov, Prezident Administratsiyasi vakillari, 10 dan ziyod xalqaro mehnat tashkilotlari rahbarlari hamda kasaba uyushmalari vakillari ishtirok etyapti.
Anjumanda xalqaro mehnat standartlarini milliy qonunchilikka tatbiq etish, mehnatkashlarning huquq va manfaatlarini himoya qilish, jamoaviy muzokaralar samaradorligini oshirish masalalari muhokama qilinadi.
Konferensiya yakunida xalqaro hamkorlikni rivojlantirish, ilg'or tajribalar almashish va kasaba uyushmalarining mehnat huquqlarini himoya qilishdagi rolini kuchaytirishga qaratilgan kelishuvlarga erishish ko'zda tutilgan.
Maqolaga baho bering
0/50
0
0
0
0