Qurilish sohasida qaysi hududlar etakchilik qilmoqda?
2026 yilning yanvar–may oylarida O‘zbekistonda jami 104,9 trln so‘mlik qurilish ishlari bajarildi. Bu qurilish faolligi mamlakat hududlari bo‘yicha bir xil taqsimlanmaganini ko‘rsatadi.
Etakchilikni Toshkent shahri saqlab qolmoqda. Poytaxtda 5 oy davomida 28 trln so‘mlik qurilish ishlari amalga oshirilgan bo‘lib, bu respublikadagi umumiy hajmning qariyb 27 foiziga teng.
Ikkinchi o‘rinda Toshkent viloyati (10,7 trln so‘m) qayd etilgan. Keyingi o‘rinlarda Buxoro viloyati (7,2 trln so‘m), Farg‘ona viloyati (6,9 trln so‘m), Qashqadaryo viloyati (6,7 trln so‘m) va Samarqand viloyati (6,6 trln so‘m) joylashgan.
Shuningdek, Namangan viloyatida 5,4 trln so‘m, Andijon viloyati, Xorazm viloyati va Surxondaryo viloyatida har biri 5,3 trln so‘m, Qoraqalpog‘iston Respublikasida 5,2 trln so‘mlik qurilish ishlari bajarilgan.
Quyi ko‘rsatkichlar Navoiy viloyati (4,1 trln so‘m), Jizzax viloyati (3,2 trln so‘m) va Sirdaryo viloyati (2,2 trln so‘m) hissasiga to‘g‘ri keladi.
Maqolaga baho bering
0/50
0
0
0
0