2024 йилда иш ҳақи ва пенсиялар учун бу йилгидан қарийб 3 баробар кўпроқ маблағ ажратиляпти
Иқтисодиёт ва молия вазирлиги эълон қилган "2024 йил учун Ўзбекистон Республикасининг республика бюджети тўғрисида"ги қонун лойиҳасига асосан келгуси йилда Давлат бюджетидан биринчи даражали бюджет маблағларини тақсимловчиларига ажратиладиган маблағларнинг чекланган миқдорлари белгиланган бўлиб, унда Иқтисодиёт ва молия вазирлигига иш ҳақи, пенсиялар, стипендиялар ва нафақалар миқдорини, шунингдек айрим хизмат турлари бўйича тарифларни ошириш билан боғлиқ харажатлар учун 9 трлн. 553 млрд. 287,7 млн. сўм ажратилмоқда.
Иқтисод
1338 15:02 | 08.11.2023 15:02
Бу эса ўтган йили худди шу мақсадларга 2023 йил учун ажратилган 3 трлн. 797 млрд. 871,6 млн. сўм миқдоридаги маблағдан қарийб 3 баробар ортиқ деганидир.
Шунингдек, 2024 йилда бюджет ташкилотлари ходимларига ҳомиладорлик ва туғиш нафақаларини тўлаш билан боғлиқ харажатларни ҳам қарийб 40 фоизга (1 трлн. сўм, бу кўрсаткич жорий йил учун 665 млрд. сўм бўлган) ошириш режалаштирилган.
Хусусий секторда ишловчи аёлларнинг ҳомиладорлик нафақа пулини бюджет маблағлари ҳисобидан тўлаш билан боғлиқ харажатларга эса жорий йилдагига (300 млрд. 710 млн. сўм) қараганда 3 баробардан кўпроққа кам (100 млрд. сўм) маблағ ажратилмоқда.
Mақолага баҳо беринг
0/50
0
0
0
0