Касаба уюшмаси спортчиси — жаҳон чемпиони!
Перу пойтахти Лима шаҳрида оғир атлетика бўйича ўсмир йигит-қизлар ўртасида жаҳон чемпионати давом этмоқда.
Лимага 6 нафар ёш спортчимиз йўл олган бўлиб, ҳозиргача уч нафари ўз омадини синаб кўрди.
Қизлардан 52 килограмгача бўлган вазн тоифасида Маржона Абдумуталова даст кўтаришда 82 кг оғирликни ўзига буйсундириб, бронза, силтаб кўтариш баҳсида 100 кг натижа билан кумуш ва иккикураш натижасига кўра, бронза медалларини қўлга киритди.
Яна бир умидли спортчимиз Руслан Раҳматжонов 81 кг вазн тоифасида даст кўтариш машқида 139 кг натижа билан кумуш, силтаб кўтаришда 172 кг оғирликни забт этиб, олтин ҳамда иккикураш якунида, 311 кг натижа билан олтин медалга мушарраф бўлди.
Эслатиб ўтамиз, жаҳон чемпиони Руслан Раҳматжонов касаба уюшмалари спортчиси ҳисобланади. Чемпион йигит жаҳон ва Олимпиада чемпиони Акбар Жўраев туғилиб ўсган Тошкент вилоятининг Сойлиқ қишлоғидан.
Демак, фахр билан айтиш мумкин, касаба уюшмаларининг спортга қаратаётган эътибори туфайли юртимизда миллатнинг мард ўғлонлари, Ватан довруғини дунёга ёйган чемпион Акбар Жўраев издошлари кўпаймоқда.
Акмал АБДИЕВ,
Ishonch.uz
Долзарб мавзулар
Mақолага баҳо беринг
0/50
0
0
0
0