Йўлингиз равон бўлсин, азиз битирувчилар!
Бу йил республикамиздаги 10 мингдан ортиқ умумтаълим мактабларининг 11-синфини 400 мингга яқин ўқувчилар битирди. Улар эндиликда мустақил ҳаётга қадам қўйишади, орзу-истаклари томон йўл олишади.
Қадрли битирувчилар!
Ўн йил давомида сизга билим берган устоз ва мураббийларнинг, қолаверса, ота-онангиз ва бутун жамиятнинг ишончини оқлаб, юксак марраларни кўзлашингизга аминмиз. Бахтли ҳаёт учун интилиб яшанг. Зеро, бунинг учун кўп нарса керак эмас: вақтни бекорчи нарсаларга сарфламанг, илм олинг, дўстлар орттиринг, яхши ният ва амалларни кўпайтиринг, энг муҳими, виждонингизга қулоқ солиб иш тутинг.
Ҳаёт бир текис кечмаслиги аниқ, баъзида оғир, сиз кутмаган, истамаган ҳолатлар ҳам бўлиб туради. Аммо нима бўлганда ҳам ақлингизга, қалбингизга қулоқ тутинг. Шошиб хулоса чиқарманг!
Шунда ҳаммаси ўз вақти-соати билан яхши якун топади.
Шуни унутмангки, олган билим ва кўникмаларингиз сизга энг ишончли ҳамроҳ. Йўлингиз равон ва юзингиз юруғ бўлсин, азиз битирувчилар!
Mақолага баҳо беринг
0/50
0
0
0
0