Саволга меҳнат ҳуқуқи бўйича мутахассис Лазиз ҚАРШИЕВ жавоб беради

— Йил ҳам якунига етмоқда. МК 228-моддасига кўра декабрь ойи якунига қадар кейинги йилнинг таътиллар жадвали тасдиқланиши керак.

Бунда қуйидаги қонунчилик талабларига риоя этилиши керак:

— барча ходимлар учун белгилаш (кимдир қолиб кетмаслиги керак);

— таътил вақтини белгилашда камситишга йўл қўймаслик (айрим ходимларни хоҳишларини инобатга олмасдан айримларини инобат олиш камситишдир);

— ходим таътилдан қисмларга бўлиб фойдаланмоқчи бўлса, иш берувчи бунга рози бўлса, уни таътиллар жадвалида кўрсатиш;

— таълим муассасаларида педагогларга ўқувчиларни ёзги таътили вақтида меҳнат таътилини бериш;

— касаба уюшмаси қўмитаси билан келишиш (агар мавжуд бўлса);

— иш берувчи томонидан тасдиқланиши;

— календарь йил якунига қадар тасдиқланиши.

Жадвални шакллантиришни қанча вақтли бошласангиз, шунча яхши. Чунки ходимларнинг таклифини олиш, касаба уюшмаси қўмитаси билан келишиш учун ҳам вақт керак бўлади;

Бир бўлимдаги бир-бирининг ўрнини босувчи ходимлар (масалан, бош ҳисобчи ва унинг ўринбосари) бир вақтда тўғри келиб қолмасин;

корхона фаолиятидаги энг иш кўп бўладиган даврларда (масалан, йиллик ҳисобот топшириш ёки мавсум билан боғлиқ ишлар) таътилларни камроқ белгилаш.