Ўзбекистонга Малайзия ва Индонезиядан зиёрат туризми доирасида жалб этилган ҳар бир сайёҳ учун 100 доллардан субсидия ажратилади
2026 йил якунига қадар Ўзбекистон Республикаси Туризм қўмитаси томонидан Малайзия ва Индонезиядан "Умра плюс" зиёрат туризми дастури асосида сайёҳларни жалб қилаётган туроператорларга ҳар бир сайёҳ учун 100 АҚШ доллари миқдорида субсидия ажратилади. Бу ҳақда Вазирлар Маҳкамасининг қарори қабул қилинди.
Иқтисод
257 14:22 | 11.01.2026 14:22
“Умра плюс” зиёрат туризми дастурини амалга оширишга қаратилган қўшимча чора-тадбирлар тўғрисида”ги қарорга кўра, 2026-2027 йилларда Малайзия ва Индонезиядан “зиёрат туризми” йўналишида сайёҳлар оқимини 100 минг нафарга етказиш бўйича тегишли йўл харитаси тасдиқланган.
Ҳужжатда “Куала Лумпур-Самарқанд-Жидда-Куала Лумпур”, “Куала Лумпур-Бухоро-Жидда-Куала Лумпур”, “Жакарта- Самарқанд-Жидда-Жакарта”, “Жакарта- Бухоро-Жидда-Жакарта” туристик маршрутлари бўйлаб авиақатновларни рақобатдардош нархларда ишлаб чиқилишини ва дастурда иштирок этувчи туркомпанияларга тақдим этилишини таъминлаш вазифаси ҳам назарда тутилган.
Mақолага баҳо беринг
0/50
0
0
0
0