Men Bo'ka tumanida yashayman. Ikki nafar farzandim bor. Turmush o'rtog'im yo'q, hozirda qaerdaligini ham bilmayman. Xullas, ikki bolamni voyaga yetkazishga ham yordam bermagan. Qizimni uzatgandim, ammo taqdir ekan ko'p o'tmasdan turmushidan ajradi. Hozir ikki oylik chaqalog'i bilan mening qaramog'imda.

Ro'zg'or aravasini tortish ayolning bir o'ziga osonmas. Ayniqsa, qizim qaytib kelgach, bolasining xarajatlariga qiynalib qoldik. Bir necha marta mahallaga nafaqa puli ilinjida chiqdim. Ammo u tezda hal bo'lavermadi. Nihoyat, menga xotin-qizlar muammolari bilan ishlaydigan 1211 “Ishonch telefoni” borligini aytishdi.

O'sha ishonch telefoniga qilgan murojaatimga hech qancha vaqt o'tmay, nabiramga Ijtimoiy himoya milliy agentligi Toshkent viloyati boshqarmasidan shu yilning yanvar oyidan 31 dekabriga qadar nafaqa tayinlangani haqida xabar berishdi.
Sizlarga tashakkurimni yetkazmoqchiman. 1211 “Ishonch telefoni” mutaxassislari kabi xotin-qizlar muammolari bilan ishlaydiganlar omon bo'lishsin. Kasaba uyushmalariga katta rahmat!

Shahnoza Jumanova,
Bo'ka tumani