Qiziqarli fakt: “o'z kasbi”ni o'zgartirgan chumolilar...
Er yuzidagi eng birinchi chumolilar 130 million yil oldin paydo bo'lgan. Bu mittilar huddi dinozavrlardek qadimiy. Ammo ulardan farqli o'laroq, ular shu vaqtga qadar yashab qolgan. Butun zaminda chumolilarning 12 ming turlari mavjud. Ularning umumiy soni esa, 10 000 trillionni tashkil qiladi. Quyida chumolilar haqida qiziqarli faktlarni o'qishingiz mumkin.
• Сhumolilarning eng kichigi 2 millimetr, eng kattasi esa, 5 santimetr o'lchamga ega.
• Bu hasharotlar orasida aqllilari ham bor. Ular nima qaerda joylashganini va hatto mo'ljalni ham bilishadi. Eng murakkab labirintda ham ular o'ljasini osongina iniga olib kelishadi.
• Сhumolilarning katta avlodlari yosh avlodga shiradan bir tomchi sharbat olishni o'rgatishadi. Yoshlar esa, bundan zavqlanib, tajriba o'rganishadi.
• Сhumolilar bir-birlariga xabar yetkazishni bilishadi. Masalan, o'lja topishsa, uyasiga qaytib qaerga borish kerakligini qolganlariga “aytishadi” va o'zlari ko'p hollarda yangi o'lja izlab ketishadi. Yem yig'uvchilari esa, o'sha topilgan narsaning joyini yo'lboshchisiz ham qiynalmay topishadi.
• Сhumolilar orasida eng tajribali va kuchlilari o'lja bilan doim birinchi bo'lib kurashishadi. Ular yoshlariga mahoratini ko'rsatishadi — qanday hujum qilish, chaqish, o'ldirish. Bu bilan ular yosh avlodga ovchilik mahoratini ham o'rgatishadi.
• Sayyoramizdagi barcha chumolilar kuchli va baquvvat bo'lishadi. Ular o'z vaznidan 100 barobar og'irroq narsalarni ko'tarishga qodir. Yer yuzidagi tirik mavjudotlarning hech biri bunday jasoratga qodir emas.
• Deyarli barcha chumolilar qurilish bilan shug'ullanishadi. 2015 yilda Sibirda balandligi 2,5 metrni tashkil qiluvchi ulkan chumoli uyasi topilgan.
• Сhumolilar yoshlari toifasida “kasblari”ni o'zgartiradilar. Ya'ni, ba'zilari o'z avlodlariga g'amxo'rlik qilsa, yetuk va kuchga to'lganlari qurilish va tozalash bilan shug'ullanadilar. Tajribali ovchilari esa, hasharotlar va oziq-ovqat to'playdi.
• Сhumolilarda ikkita oshqozon borligi aniqlangan. Olimlar oshqozonning bittasi yemishni xazm qilish uchun foydalansa, ikkinchisini koloniyaning boshqa a'zosi bilan bo'lishish uchun oziq-ovqat to'plash uchun foydalanishadi.
• Сhumolilarning quloqlari yo'q, ular tebranishlarni sezgir panjalari bilan sezadilar.
• Bu hasharotlarning o'pkasi bo'lmaydi, ular mayda spirkullar yordamida nafas olishadi.
• Har bir oilaning o'ziga xos hidi bor, begonalar ni darhol ajratishadi.
• Сhumolilarning malikasi 30 yilgacha yashaydi.
• Ular Arktika va Antarktidadan tashqari sayyoramizning barcha burchaklarida yashaydi.
Maqolaga baho bering
0/50
0
0
0
0