Quyida unga tegishli bo'lgan bir qator qiziqarli faktlar bilan tanishing:

• Jorj Vashington Amerikaning ozodlik uchun kurashidagi Kontinental armiyasining yagona Bosh qo'mondoni sanaladi (1775-1783);
• U “orzular mamlakati” bo'lmish Amerika fidoyisi edi. Sakkiz yillik hukmronligi davrida birinchi Konstitutsiyani ishlab chiqib, uni mamlakat darajasida qabul qilgan. Qullikni bekor qilish tashabbuskorlaridan biri. Hukumatga kelguniga qadar kuchli jangchi bo'lganiga qaramasdan, siyosatni harbiy sohadan ustun qo'ya olgan shaxsdir;
• Jorj Vashington siyosiy partiyalarni tashkil etish g'oyasi bilan chiqsada o'zi hech qachon partiya a'zosi bo'lmagan.

AQSh Prezidentlari qarorgohiga aylangan "Oq uy" qurilishini nazorat qiladi va birinchi g'ishtni o'zi qo'yadi. Ammo Vashingtonga bu binoda Prezident sifatida yashash nasib etmaydi. Сhunki qurilish ishlari uning o'limidan bir yil o'tib yakunlangan. Jorj Vashington Amerika prezidentlari orasida ikkala saylovda ham 100 foiz ovoz yig'a olgan yagona rahbardir. Moliya sohasi mutaxassisi sifatida davlat kirim va chiqimni o'zi hisoblagan. U yaxshi chavondoz sifatida otni sevgan hatto otlarining tishlari tozaligigacha e'tiborli bo'lgan.

Uning sharafiga mamlakat poytaxtida 150 metrlik memorial monument o'rnatilgan. N'yu-York shahridagi eng uzun ko'priklardan biri Jorj Vashington nomi bilan ataladi.

Shuningdek, Sietl shahridagi universitetga nomi berilib, portreti tushirilgan bir dollarlik kupyurada aks etgan. Qolaversa, Amerika poytaxtiga birinchi prezident nomi berilgan.

Vashingtonning eng mashhur iqtiboslari:

• “Boshqa odamning baxtsizligidan quvonmang, hatto u sizning dushmaningiz bo'lsa ham”;
• “Vijdon deb atalgan, yuragingizdagi samoviy olov uchqunlari o'chmasligi uchun kurashing”.