— Darslar ertalab soat 9:00 dan 17:30 gacha bo'lgan vaqt oralig'ida bo'lib o'tadi, — deydi ginaziya asoschisi Muhammadali Eshonqulov. — Bunda ixtisoslashtirilgan hamda Davlat ta'lim standartidagi fanlar, kitobxonlik, qo'shimcha to'garaklar hamda robototexnika fanidan mashg'ulotlar bo'lib o'tishi ko'zda tutilgan. Shuningdek, ingliz, koreys, rus va arab tillari to'garaklari, kitobxonlik, kechki paytlarda sportning taekvondo, shahmat, gimnastika turlari bo'yicha to'garaklar, zamonaviy kasblarga o'rgatish ham o'rin olgan.

Binoda zamonaviy jihozlangan IT, 3D, SMM, dasturlash xonalari, sport zal, futbol maydonchasi hamda kitoblar bilan boyitilgan kutubxona ham mavjud. Bundan tashqari, bolalarga 3 mahal ovqat ham beriladi.

Ma'lumotlarga ko'ra, ushbu ta'lim maskanida qadriyatlarga asoslangan tarbiya muhiti, kitob mutolaasini odat tarziga aylantirish muhim jihatlardan biridir.

Yangi o'quv yilida barcha zamonaviy sharoitlarga ega bo'lgan ushbu gimnaziya aholi uchun katta sovg'a bo'ldi.