Қайд этилишича, Ўзбекистон касаба уюшмалари федерацияси томонидан сўнгги йилларда ҳудудларда сув спорти турларининг моддий-техник базасини яхшилаш борасида қатор ишлар амалга оширилмоқда. Жумладан, Наманган вилояти ва Тошкент шаҳрида жаҳон стандартларига мос келадиган 50х25 метр ўлчамдаги ҳавзалар фойдаланишга топширилди. Қашқадарёда айни пайтда навбатдаги объект – замонавий сув спорт турлари саройи қад ростлаётган бўлса, Тошкент вилоятида яна бир сузиш ҳавзаси қурилиши лойиҳалаштириляпти.

Тадбирда федерация раҳбари лавозимига Ўзбекистон касаба уюшмалари федерацияси раиси Рафиқов Қудратилла Мирсагатович номзоди илгари сурилди. Делегатлар ушбу номзодни бир овоздан маъқуллашди ва Қ.Рафиков мамлакат сузиш федерацияси раиси этиб сайланди.

Тадбир давомида федерациянинг Лос-Анжелес-2028 ёзги Олимпия ўйинларига тайёргарлик режаси батафсил кўриб чиқилди. Бунда терма жамоаларга хорижлик малакали мураббийларни жалб этиш, селекция йўналишига кўпроқ аҳамият бериш каби мавзулар муҳокама марказида бўлди. Шунингдек, сузиш, сув полоси, сувга сакраш ва синхрон сузиш дастурларида атлетларимизнинг Олимпиада йўлланмалари учун имкониятлари кўриб чиқилди.

Эслатиб ўтамиз, Федерациянинг аввалги раҳбари Қ.Саноқуловнинг мамлакат гандбол федерацияси бошқарувига ўтди.