Sovuq kunlarda istemol qilinishi kerak bo'lgan meva-sabzavotlar

Kartoshka qon tomirlarining holatini yaxshilashga yordam bera oladi. Uning tarkibidagi kaliy qon tomirlarining devorlarini elastik qiladi, qon aylanishini yaxshilab, bosimni barqarorlashtiradi. Ildizmevali sabzavotlar va yog'li go'sht solingan qaynatilgan sho'rva qishda, ayniqsa, foydali. Bunday sabzavotlarda uglevodlar ko'p bo'lib, qishning sovuq kunlarida boshqa sabzavotlarga qaraganda organizmga ko'proq energiya beradi. Sabzavotlardan piyoz antioksidant sifatida ham muhim ahamiyatga ega. Lavlagi va uning sharbati ham foydali vitaminlar va minerallarga boy bo'lgan mahsulot hisoblanadi. Nonda juda ko'p B vitaminlari mavjud, ya'ni ular asab tizimining silliq ishlashi va sog'lom uyqu uchun javobgardir. S vitamini organizmda oqsillar va serotonin moddalarini o'zlashtirishda katta ahamiyatga ega. Tsitrus mevalar va ularning sharbatlari salqin mahsulot bo'lsa-da, ulardan tayyorlangan murabbo, qiyom va marmeladlar S vitaminiga boy issiq mahsulot hisoblanadi. Limonning me'yordagi iste'moli kasallikni haydashda muhim o'rin tutadi. Yog' kislotalari ular yurak-qon tomir va asab tizimini mustahkamlaydi va kayfiyatga ta'sir qiladi. Ushbu moddalar yong'oq, zig'ir va bir qator dukkakli ekinlarda ko'p miqdorda mavjud.

Sog'lom ovqatlanish tartibi – bu faqat parhez emas

Shunisini aniq anglash lozimki, sog'lom ovqatlanish va parhez – bu bir xil tushunchalar emas. Parhez – bu cheklash demakdir, sog'lom ovqatlanish tartibida esa u yoki bu mahsulotga qat'iy taqiqlar qo'yilmaydi.

Sog'lom ovqatlanish – bu yaxshi kayfiyat va muvozanatni saqlashga yordam beruvchi usul va printsiplardir. Vazn tashlash, semirish yoki kun tartibidan yaxshi o'zlashtirilmayotgan mahsulotlarni olib tashlash kabi muammolar inson shaxsan tanlaydigan yo'lga bosiladigan keyingi qadamdir. Ilmiy tekshiruvlar shuni aniqlab kelyaptiki, parhezlar yoki ayrim mahsulotlardan to'laligicha yoki qisman cheklash ko'rinishidagi noto'g'ri ovqatlanish o'limga olib boruvchi yurak va qon tomir kasalliklari hamda saratonning rivojlanishi xavfini kuchaytirar ekan.

Sog'lom ovqatlanish tartibiga o'tish - bu o'z-o'zini rivojlantirish, salomatlik borasidagi izlanish, g'amxo'rlik va o'z hayotingizga kirgiziladigan shaxsiy investitsiyadir.

Madina PO'LAT QIZI
Ishonch.uz