– Toza suv — dielektrik. U faqat aralashmalar tufayli o'tkazuvchanlik xususiyatiga ega.

– Biror kishi tanadagi suvning atigi 12 foizini yo'qotganda o'ladi. Va 10 foiz yo'qotish bilan — gallyutsinatsiyalarni boshdan kechiradi.

– Yerda umumiy suv zaxiralarining atigi 1,1 foizi ichishga yaroqli. Сhuchuk suvning katta qismi muzliklarda uchraydi.

– Suv yorug'likni yutadi va tarqatadi. Shuning uchun okean ko'k ko'rinadi.

– Issiq suv sovuq suvga qaraganda tezroq sovuydi va muzlaydi. Ushbu hodisa Mpemba effekti deb ataladi.

– Olimlar suvning 3 ta holatini (qattiq, suyuq va gazsimon) emas, balki 20 dan ortiq holatini aniqlaydilar. Muayyan sharoitlarda bu modda shishasimon, o'ta yopishqoq va yopishqoq bo'lishi mumkin.

-Er yuzida odamlar foydalanadigan barcha suvning 70 foizdan ortig'i qishloq xo'jaligiga sarflanadi. 22 foizi sanoat iste'moliga ketadi.

–Tabiatda N2O formulali kimyoviy birikma mavjud emas. Suvda har doim tuzlar va boshqa moddalar mavjud.

– Eng qimmat ichimlik suvi AQShda litri 90 dollardan sotiladi. Nafis bezatilgan shishalarda tayyorlangan suyuqlik mukammal kislotalilikka ega ekanligi da'vo qilinadi.

– Suv — tabiiy sharoitda bir vaqtning o'zida uchta agregat holatida osongina topishimiz mumkin bo'lgan yagona moddadir. Hamma uni qattiq, suyuq va gazsimon shaklda ko'radi.

– JSST barcha ma'lum kasalliklarning 80 foizigacha sifatsiz suv iste'moli tufayli yuzaga kelishi mumkinligini tan oldi. O'tgan asrda Lui Paster ham xuddi shunday xulosaga kelgan.

– Yoshi o'tgan sayin odam tom ma'noda «quriydi». Embrion 94 foiz suyuqlikni o'z ichiga oladi, bola — 80 foiz, keksa odam — taxminan 60 foiz.

– Rivojlangan mamlakatlarda bir kishi kuniga 100 litrdan ortiq suv sarflaydi.

– Ba'zi tadqiqotchilar suvning xotirasi borligini ta'kidlaydilar. Agar siz uni har xil aralashmalardan tozalasangiz ham, u o'zining o'tmishini yodga oladi. Biroq, fan hali suvning bunday ajoyib xususiyatini tan olmadi.

– O'zingizda to'yib ovqatlanmayotgandek, ochlikni his qilsangiz, bu suyuqlik yetishmasligidan bo'ladi. Oxirgi marta qachon oddiy suv ichganingizni eslang.