Bugun Jahon iqtisodiyoti va diplomatiya universitetida jurnalning taqdimot marosimi o'tkazilmoqda. Tadbirda elchilar, diplomatlar, olimlar, faylasuflar, adiblar, jurnalistlar, blogerlar ishtirok etmoqda.

Tadbirni Oliy Majlis Senati Raisining birinchi o'rinbosari Sodiq Safoev ochib berdi. Ushbu nashrning ahamiyatini ta'kidlab, jurnal ichki va tashqi siyosat, iqtisodiyot, madaniyat, san'at va tarix sohalaridagi muhim masalalarni muhokama va tahlil qilish minbariga aylanganini qayd etdi.

Ta'kidlash joizki, "Vatan" jurnali O'zbekiston kasaba uyushmalari Federatsiyasi muassisligida 2024 yildan boshlab chop etila boshlangan. O'tgan yili nashrning 4 ta soni jurnalxonlarga taqdim etilgan.

Ingliz tilidagi maxsus sondagi maqolalar ulardan saralab olinib, ingliz tiliga tarjima qilingan. Jurnalning ingliz tilida chop etilishi esa Yangi O'zbekiston qiyofasini ilmiy-akademik formatda xalqaro hamjamiyatga namoyish etishda muhim vositaga aylanmoqda.